Zikr-e-Shab-e-Firaq Say Wehshat Ussay Bhi Thi
Meri Tarah Kisi Say Muhabbat Ussay Bhi Thi

Mujh Ko Bhi Shok Tha Naye Chehroon Ki Deed Ka
Rasta Badal K Chalne Ki Aadat Ussay Bhi Thi

Us Raat Dair Tak Wo Raha Mehv-e-Guftagu
Masroof Mein Bhi Kam Tha Faragat Usay Bhi Thi

Sunata Tha Wo Bhi Sub Say Purani Kahaniyan
Taaza Rafaqatoon Ki Zaroorat Ussay Bhi Thi

Mujh Say Bichar K Shehar Mein Ghul Mil Gaya Wo Shaks
Halanqay Shehar Bhar Se Raqabat Ussay Bhi Thi

Wo Mujh Say Badh K Zabt Ka Aadi Tha Jee Geyya
Warna Har Ik Saans Qayamat Ussay Bhi Thi